ⓘ Teorie van alles

                                     

ⓘ Teorie van alles

’n Teorie van alles is ’n hipotetiese allesomvattende, samehangende teoretiese raamwerk wat alle fisiese aspekte van die heelal ten volle verduidelik en saambind. Om so ’n teorie te vind is een van die groot onopgeloste probleme in fisika.

                                     

1. Geskiedenis

Die afgelope paar eeue is twee teoretiese raamwerke al ontwikkel wat na aan ’n teorie van alles kom. Die twee teoriee waarop alle moderne fisika berus, is algemene relatiwiteit en die kwantumveldteorie. Eersgenoemde is ’n teoretiese raamwerk wat net fokus op die kragte van swaartekrag om die heelal te verstaan wat betref groot skaal en hoe massa: sterre, sterrestelsels, sterrestelselswerms ens. Laasgenoemde is ’n teoretiese raamwerk wat net fokus op die ander drie basiese natuurkragte buiten swaartekrag om die heelal te verstaan wat betref klein skaal en lae massa: subatomiese deeltjies, atome, molekules ens. Laasgenoemde word ook toegepas in die Standaardmodel van deeltjiefisika en verenig die wisselwerkings tussen die drie niegravitasionele basiese natuurkragte: swak en sterk kernkrag en elektromagnetiese krag.

In jare lange navorsing het fisici met groot akkuraatheid elke voorspelling van hierdie twee teoriee in eksperimente bewys – op die toepaslike terrein van die spesifieke teorie. Hulle het egter ook bevind die twee teoriee, soos hulle tans geformuleer word, is wedersyds onversoenbaar – hulle kan nie albei reg wees nie. Omdat die toepassingsterreine van die twee teoriee so verskil, vereis die meeste situasies dat net een van hulle gebruik word. Hierdie onversoenbaarheid is egter net van toepassing op gebiede van uiters klein skaal en hoe massa, soos wat bestaan in ’n swartkolk of tydens die beginstadiums van die heelal net ná die Groot Knal. Om hierdie konflik op te los, moet ’n teoretiese raamwerk wat ’n dieperliggende werklikheid onthul en swaartekrag met die ander natuurkragte verbind, ontdek word om die gebiede van die twee teoriee in ’n geheel te verenig: ’n enkele teorie wat in beginsel elke verskynsel kan beskryf. Om dié doel te bereik, het kwantumswaartekrag onlangs ’n onderwerp van aktiewe navorsing geword.

In die afgelope paar dekades het ’n enkele teoretiese raamwerk, bekend as die snaarteorie, gewild geword as ’n moontlike kandidaat vir die allesomvattende teorie van die heelal. Baie fisici glo die vier basiese natuurkragte was aan die begin van die heelal tot 10 −43 sekonde ná die Groot Knal ’n enkele basiese krag. Anders as die meeste indien nie alle nie ander teoriee, is die snaarteorie dalk besig om al vier basiese natuurkragte suksesvol in ’n geheel te verenig. Volgens dié teorie bestaan elke deeltjie in die heelal op sy mees mikroskopiese vlak uit verskillende kombinasies van vibrerende snare met sekere vibrasiepatrone. Volgens die teorie is dit deur hierdie spesifieke patrone van snare dat ’n deeltjie met ’n unieke massa en lading geskep word. Dus is die elektron ’n soort snaar wat op een manier vibreer, terwyl die op-kwark ’n soort snaar is wat op ’n ander manier vibreer ens.

Die term "teorie van alles" het aanvanklik ’n ironiese verbintenis gehad om te verwys na verskeie oorveralgemeende teoriee. ’n Oupa van Ijon Tichy, ’n karakter uit Stanisław Lem se wetenskapsfiksiestories uit die 1960s, het byvoorbeeld gewerk aan ’n "algemene teorie van alles". Volgens die fisikus John Ellis het hy die term in 1986 in tegniese geskrifte bekend gestel in ’n artikel in die tydskrif Nature. Mettertyd het die term byval gevind in teoretiese fisika.

                                     
  • optree onder sekere omstandighede. Teorie van alles Inligtingsteorie Milanković - teorie Teorie van Pythagoras Skopos - teorie Schafersman, Steven D. An Introduction
  • Die M - teorie is n teorie in fisika wat al die bestaande supersnaarteorieë verbind. Die bestaan van so n teorie is in 1995 vir die eerste keer voorgestel
  • word hulle deur middel van onderdrukkende verdraagsaamheid verlam. Weens alles lei die Verligting volgens die kritiese teorie nie tot Vryheid nie, maar
  • die standaardmodel van deeltjiefisika, sluit die snaarteorie ook swaartekrag in en dit is dus n kandidaat vir n teorie van alles n onafhanklike model
  • Die swartswaan - teorie of teorie van swartswaan - gebeurtenisse is n metafoor wat n gebeurtenis beskryf wat as n verrassing kom, n groot effek het, en
  • enkele teorie van kwantumswaartekrag, het nog geen vrugte afgewerp nie. Die belangrikste kandidate vir n teorie van alles is tans die M - teorie Baie sterrekundige
  • Die teorie van beperkinge TOC is n bestuursparadigma wat enige bestuurbare stelsel beskou as beperk word om meer van sy doelwitte te bereik deur n
  • water. Die oerstof was dus water, en alles het daaruit ontstaan. Dit was die oorsprong van dinge. Sy uitspraak alles is water is opsienbarender as wat
  • probeer die ontstaan van musiek verklaar deur byvoorbeeld te sê dat die oermens mooi dieregeluide probeer naboots het. Dit is egter alles teorieë wat nie bewys
  • Oerknal is die benaming van die algemeen aanvaarde kosmologiese teorie wat gebaseer is op die algemene relatiwiteitsteorie en wat beskryf hoe die heelal
  • stam van en latere verhoudings tussen die drie hoofdomeine van lewende wesens aan. Die huidige begrip van evolusie is gebaseer op die teorie van natuurlike
  • wil sê God is alles en alles is God. God is nie n persoon nie. Panteïsme as woord word afgelei uit die Griekse woord pan wat alles beteken en theos
  • te beredeneer vir die gemete verskynsels. n Belangrike aspek van n wetenskaplike teorie is dat dit moontlik moet wees om n meting te doen wat die hipotese