ⓘ Teenpous Martinus IV

                                     

ⓘ Teenpous Martinus IV

Vir die wettige pous met dieselfde naam sien Pous Martinus IV.

Teenpous Martinus IV word nie as sulks in die lyste van teenpouse genoem nie. Kardinaal Bernardino Lopez de Carvajal het homself tot teenpous laat verkies op die skismatiese konsilie van Pisa in 1511.

                                     

1. Biografie

Bernardino Lopez de Carvajal is gebore op 8 September 1456 in Plasencia, Spanje, die seun van Francisco Lopez de Carvajal y Trejo, tweede Heer van Torrejon en Aldonza Sande. Hy studeer in Salamanca en verkry n baccalaureus graad in 1472 en n lisensiaat in Mei 1478, Hy verkry die magister-graad in Kuns en Teologie op 21 Desember 1480.

                                     

2. Kerklike Loopbaan

In 1482 vestig hy hom in Rome. Hy was kamerheer van Pous Sixtus IV en Pous Innocentius VIII maak hom apostolies proto-notarius. In 1448 word hy kanunnik van die katedraal van Plasencia. Hy hou die lykrede "De eligendo Summo Pontifice" na die dood van Pous Sixtus IV in 1484.

Op 27 Augustus 1488 word hy biskop van Astorga en word op 23 Januarie 1489 verplaas na Badajoz. Hy was ambassadeur vir koning Fernando V van Aragon en koningin Isabella van Kastilie en León. Hy bepleit Fernando se saak by die pous wat op sy voorspraak drie bulle uitgee ten voordele van Spanje se regte in die lande ontdek deur Christophorus Columbus. Koning Fernando beveel by die pous aan dat Bernardino tot kardinaal bevorder word.

Op 20 September 1493 word Bernardino bevorder tot kardinaal-priester. Op 2 Februarie 1495 kry hy die titelkerk Santa Croce in Gerusalemme Die Heilige Kruis in Jerusalem. Op 6 Julie 1495 word hy legaat van die Romeinse koning Maximilliaan. Hy word Camerlengo van die Kollege van Kardinale in 1498 en hervorm die bevoegdhede van die pos. Hy neem deel aan die eerste konklaaf van 1503 toe Pous Pius III verkies is en aan die tweede konklaaf in dieselfde jaar toe Pous Julius II verkies is.

Bernardino het nie goed klaar gekom met Pous Julius II nie. Hy het beskerming by Maximilliaan gesoek in Milaan. Hy word die leier van n groep dissidente kardinale en op 16 Mei 1511 teken hy n dokument waarin pous Julius opgeroep word na n konsilie in Pisa. Pous Julius set hom af as kardinaal en ekskommunikeer hom op 24 Oktober 1511. Die skismatiese konsilie van Pisa het begin op 5 November 1511, maar skuif twee dae later na Milaan waar Bernardino tot pous verkies is onder die naam Martinus IV. Sy volgelinge word die sekte van Carvajal genoem. Die kardinale wat betrokke was en almal geekskommunikeer is, is Frederico di Sanseverino, Francisco Borja, Guillaume Briçonnet en René de Prie. Na die dood van pous Julius is Pous Leo X verkies. Bernadino het om vergewing gesmeek in n brief van 17 Junie 1513 en op 27 Junie 1513 het die pous hom vergewe en weer as kardinaal herstel.

Hy neem deel aan die konklaaf van 1521 waartydens Pous Adrianus VI verkies is en ook aan die konklaaf van 1523 waarin Pous Clemens VII verkies is. Hy sterf op 16 Desember 1523 en is begrawe in sy titelkerk Santa Croce in Gerusalemme.

                                     
  • historiese teenpous gereken word, was daar in 1511 nog n kortstondige Teenpous Martinus IV Amadeus VIII van Savoje gebore op 4 September 1383 was n Italiaanse
  • naam Martinus omdat hy verkies is op 11 November die feesdag van Sint Martinus van Tours. Hy word opgevolg deur Pous Eugenius IV Die naam Martinus beteken
  • 1410 1415 Clemens VIII, 1423 1429 Teenpous Benedictus XIV, 1425 en 1429 Felix V Amadieus VIII van Savoje 1439 1449 Martinus IV 1511 1513 Die belangrikste
  • ander bronne gee 18 Desember 8 September Bernardino Lopez de Carvajal later Teenpous Martinus IV 1523 Juan de Mena, Spaanse digter 1411
  • saam met keiser Maximiliaan kies kardinaal Lopez de Carvajal as Teenpous Martinus IV 30 Julie Giorgio Vasari, n Italiaanse skilder, argitek en een
  • in Rome 1459 16 Desember Bernardino Lopez de Carvajal ook Teenpous Martinus IV 1456 Onbekend Pietro Perugino, Italiaanse skilder 1450
  • Die oorblywende pous in Avignon, Teenpous Benedictus XIII wou nie aftree nie en is geëkskommunikeer. Pous Martinus V is as die nuwe pous gekies in 1417
  • pous met die naam Donus. Die name Martinus II en Martinus III ontbreek op die lys en na Martinus I kom Martinus IV Dit is veroorsaak deur verwarring
  • hy kardinaal - priester van San Clemente. Tydens die pontifikaat van Pous Martinus V word hy pouslike legaat in Picenum en deur sy bemiddeling word die onrus
  • van Ponto Santa Rufina op 18 Oktober 1417. Hy word opgevolg deur Pous Martinus V. Die naam Gregorius beteken wagter Pous Gregorius XII is verkies