ⓘ Bevolking

                                     

ⓘ Bevolking

In die mees algemene sin van die woord is n bevolking die versameling mense wat woon in n gegewe geografiese area.

Bevolkings word ondersoek deur n wye verskeidenheid dissiplines. In bevolkingsdinamika word die grootte, ouderdom, geslagstruktuur, sterflikheid, voortplantingsgedrag en bevolkingsgroei bestudeer. Demografie is die studie van menslike bevolkingsdinamika, wat verder ook sosiologie, ekonomie en geografie ondersoek. Plant- en dierbevolkings word in biologie bestudeer, spesifiek in die vertakking van ekologie bekend as bevolkingsbiologie, asook in bevolkingsgenetika. In biologie beteken n bevolking n teelgroep wie se lede meesal of uitsluitlik onder mekaar voortplant, gewoonlik as gevolg van fisiese isolasie, alhoewel hulle biologies kan voortplant met enige lid van die spesie.

Bevolkingsdigtheid is n mate van die hoeveelheid mense of organismes per eenheid area. Variasies hierop sluit in die bevolking per eenheid woonbare, bewone, produktiewe of potensieel produktiewe of gekultiveerde area. n Sekere geografiese gebied het n drakapasiteit, wat die maksimum bevolking voorstel wat onderhou kan word. Sekere waarnemers van menslike gedrag glo dat die idee van drakapasiteit ook op menslike bevolkings toegepas kan word, en dat ongekeerde bevolkingsgroei kan lei tot n "Malthusiese katastrofe"; hierdie standpunt word deur andere betwis.

                                     

1. Wêreldbevolking

Volgens die Verenigde State se sensusburo is die wêreldbevolking teen die begin van 2019 sowat 7.6 miljard mense. Die lande met die grootste bevolkings is China 1.4 miljard, Indie 1.3 miljard, die Verenigde State van Amerika 331.883.986, Indonesie 264.935.824, Pakistan 210.797.836, Brasilie 210.301.591, Nigerie 208.679.114, Bangladesj 161.062.905, Rusland 141.944.641 en Meksiko 127.318.112.

Die Population Reference Bureau in die VSA skat dat daar teen 2050 reeds 9.9 biljoen mense op aarde sal leef – 2.3 biljoen of 29% meer mense as tans. Die organisasie voorspel ook dat Afrika se bevolking teen 2050 2.6 biljoen sal wees – meer as dubbeld die huidige getal. In Asie sal die bevolking dan sowat 5.3 biljoen bereik, terwyl dit in Europa en Rusland van 746 miljoen tot 730 miljoen sal daal. Die VSA se bevolking behoort van 1 biljoen tot 1.2 biljoen in 2050 te groei en Oseanie Australie en Nieu-Seeland sʼn van 41 miljoen tot 64 miljoen.

                                     

2. Suid-Afrika se bevolking

Volgens Trading Ecnomics.com verteenwoordig Suid-Afrika 0.73% van die wêreldbevolking, wat beteken dan sowat een uit elke 138 mense op aarde ʼn Suid-Afrikaanse burger is.

Statistiek SA het berig dat Suid-Afrika se bevolking teen Julie 2018 tot sowat 57.73 miljoen gegroei het, wat ʼn algehele toename van 1.55% van 2017 tot 2018 verteenwoordig. Die grootste deel van die bevolking woon in Gauteng 14.7 miljoen mense of 25.4% van die totale bevolking, terwyl KwaZulu-Natal die tweede grootste groep huisves 11.4 miljoen mense of 19.7%. Die Noord-Kaap het die minste mense, met sowat 1.23 miljoen 2.1% mense wat daar woon. Die vroulike deel van die bevolking verteenwoordig sowat 51% of 29.5 miljoen mense. Die hoeveelheid bejaardes bo 60 neem toe, waarvan die meeste in Gauteng woon. Sowat 29.5% van die bevolking is jonger as 15 jaar en sowat 8.5% ouer as 60 jaar.

Terwyl geboortes en sterftes die belangrikste faktore is wat bevolkingsveranderinge teweegbring, is migrasie ook ʼn faktor om mee rekening te hou – op politieke, ekonomiese en maatskaplike vlakke. Volgens StatsSA ontvang Suid-Afrika tussen 2016 en 2021 sowat 1.02 miljoen immigrante, waarvan die meeste na Gauteng stroom. Gauteng word as die land se ekonomiese kern beskou en lok daarom internasionale sowel as plaaslike migrante uit landelike provinsies soos Limpopo, KZN en die Oos-Kaap.

Trading Economics se vooruitskattings bereken dat Suid-Afrika se bevolking teen 2020 60 miljoen sal bereik. Beweging binne en oor Suid-Afrika se landsgrense het nie net ʼn uitwerking op die bevolkingstruktuur van die land en provinsies binne Suid-Afrika nie, maar moontlik ook op die ekonomiese, politieke en maatskaplike samestelling van ʼn gemeenskap, provinsie en die land in sy geheel. Dit is van kardinale belang om huidige en geprojekteerde migrasiepatrone in Suid-Afrika te verstaan en daarvoor te beplan, om voortgesette groei en ontwikkeling te verseker.

                                     

3. Eksterne skakels

  • Population of World, PopulationWorld.com.
  • Wikiwoordeboek het n inskrywing vir bevolking.
  • Department of Economic and Social Affairs, Population Division, Verenigde Nasies.
                                     
  • Landbou: staande lewende hawe en oes op die lande is n maatstaf van bevolking per eenheidsgebied of eenheidsvolume dit is n tipe van hoeveelheid van
  • Rang Land gebied entiteit Bevolking Datum van wêreldbevolking Bron - Wêreld 7 636 818 000 15 Julie 2018 100 VN skatting 1 Volksrepubliek China 1 393 460 000
  • voortplantingstempo van n geïdealiseerde bevolking met n lukrake alleelverspreiding. Die totale grootte van n bevolking kan misleidend wees, aangesien nie
  • Suid - Afrikaanse bevolking Die meeste inwoners is Zoeloes, maar die provinsie huisves ook die grootste deel van Suid - Afrika se bevolking van Asiatiese afkoms
  • Judaïsme en Baha i. Die bevolking van sowat 100 miljoen is oneweredig versprei oor die eilande. Die helfte van die bevolking woon byvoorbeeld op Luzon
  • sensussyfers was Limpopo se totale bevolking 5 404 868 in die jaar 2011. Die tale van die plaaslike swart bevolking is Noord - Sotho of Sepedi die moedertaal
  • Limpopo en Mpumalanga Sekhukhuneland Volgens die 2011 - sensus is die bevolking van die provinsies soos volg: Vlae van provinsies van Suid - Afrika Wapens
  • epidemiologie word n infeksie endemies in n bevolking genoem wanneer daardie infeksie onderhou word in die bevolking sonder dat enige eksterne invloede nodig
  • Russies: Улан - Батор waar sowat 45 van dié land se bevolking woon. Mongolië het in 2020 n bevolking van 3 353 677 gehad en beslaan n oppervlakte van
  • stad is langs die Nigerrivier. Die stad het n bevolking van 774 235 in 2006 en meer as 90 van die bevolking is Moslems. Hierdie artikel is n saadjie. Voel
  • was die bevolking 4 909, sowat 1 900 minder. Dié skerp toename kan toegeskryf word aan die amper drievoudige toename in die swart bevolking van 1 264